Ola Saam 119:173-176

¹⁷³YAWEI, jidan redibala blanga album mi, dumaji mi bulurrum detlot lowa blanga yu.

¹⁷⁴Mi oldei wandim yu blanga seibum mi brabliwei, YAWEI. Detlot lowa blanga yu meigim mi jidan gudbinjiwei.

¹⁷⁵Larram mi jidan laibala, wulijim ai garra oldei preisim yu. Larram detlot lowa blanga yu album mi.

¹⁷⁶Mi wokaranbat laiga ship weya imbin los. Wal yu kaman en lukabat mi, yu wekinmen, dumaji ai nomo bin fogedabat ola lowa blanga yu.