SALMOS 119:138-141

¹³⁸Nochi motajtol xitahuac huan temachti para ipan ma timotemachica.

¹³⁹Nelía nimotequipachohua huan nicualani, pampa nocualancaitacahua amo quitepanitztoque cati ta tiquijtojtoc.

¹⁴⁰Nochi moley nijyejyecojtoc huan niquitztoc para nelía tatzejtzeloltic. Yeca niquicnelía.

¹⁴¹Nelía niteicneltzi huan miyac amo quinequij nechitase, pero na amo niquinelcajtoc motanahuatilhua.