Iba Gana 119:138-141

¹³⁸Í̠na inahondo bi mana ngideruni damenego bibahendeore tigabiorebi bayaorebi hangu ngagoni.

¹³⁹I̱naga waitigi karume í̠naga bi lo ngeruni ti mitangi nabiagaore kagoni. Ti ani kago handarodagua i̱naga bu habane nigoniha keba gibiore ira daradagua biragola haruli.

¹⁴⁰Anduane Homogo í̠na bulebero laga bialu bi lo wigi bideruni heneneore biagayane i̱na haruore handama ibido. Bulebero lo ngedagua heneneore bigi birigo hondowa turuore howa yaniho kogoni.

¹⁴¹I̱ agali mbira abogo ka nalene emene ko dindihaore howa marume i̱ mege biaga kogoyu i̱na Anduane Homogo í̠naga bi mana dege ha do wanaharuli.