Salmo 92:4-14

⁴Tan pinaragsak mos sak-en sin nakaskasdaaw ay inamag mo et ibogaw koy kantak gapo si ragsak ko.

⁵Nakaskasdaaw din inam-amag mo, adi maedasan di nemnem mo.

⁶Adi maawatan di naong-ong ya magay nemnem na

⁷din kasasaad di mangam-amag si lawa ay olay mo kaman dan logam ay gomabay da ya di biyag da et somiged pay, ngem din pantongpalan da et panakadadael si eng-enggana.

⁸Ngem sik-a ay Apo di kangatoan si eng-enggana.

⁹Amin ay kalaban mo, awni et matey da, amin din mangam-amag si lawa et maabak ya mansisian da.

¹⁰Ngem inmipabikas ka ay kaman bomaro ay atap ay baka, binindisyonam sak-en ya inmiparagsak ka.

¹¹Laton ay nailak din naabakan di lawa ay komonkontra, nadngek abe din bogaw da sin naabakan da.

¹²Din nalinteg yan gomabay da ay kaman din sidro ed Lebanon ya din kaiw ay palma.

¹³Kaman dan kaiw ay naimola sin beey di Apo, gomabay da sin Timplon Diyos ay daydayawen tako.

¹⁴Manbonga da olay ad-adoy tawen da, kanayon ay makneg ya magabay da.