Psalm 92:4-14

⁴Orekma kulana lom, O LEUM GOD, akenganyeyu. Ke sripen ma kom oru, nga on ke engan.

⁵Fuka lupan orekma lom, O LEUM GOD. Fuka loaliyen nunak lom!

⁶Mwet lalfon tia ku in etu ma inge, Ac mwet yohk nikin la elos tia ku in kalem kac.

⁷Sahp mwet koluk elos ac kapak oana mah, Sahp elos su oru ma koluk fah kapkapak, Tusruktu, elos ac fah arulana kunausyukla,

⁸Mweyen kom, O LEUM GOD, kom leum fulat ma pahtpat.

⁹Kut etu lah mwet lokoalok lom ac fah misa, Ac mwet koluk nukewa ac fah kutangyukla.

¹⁰Kom oru tuh nga in arulana ku, oana soko cow mukul kasrkusrak; Kom akinsewowoyeyu ke engan lulap.

¹¹Nga liye ke kutangyukla mwet lokoalok luk Ac lohng pusren tung lun mwet koluk.

¹²Mwet suwoswos elos ac fah farngelik oana sak palm; Elos ac kapak oana sak cedar ke inging Lebanon.

¹³Elos oana sak yoki in lohm sin LEUM GOD— Su farngelik in Tempul lun God,

¹⁴Su srakna isus fahko ke elos matuoh, Ac folfol insroa ac ku in pacl e nukewa.