Text copied!
CopyCompare
Kankanaey Bible - Salmo - Salmo 91

Salmo 91:4-13

Help us?
Click on verse(s) to share them!
4Kaman kan kiyap ay sakokoan di ina na. Magay pan-egyatam tan wadas sisya ay mangayowan en sik-a. Matalek sisya et kaman mon salida.
5Sin labi et magay pan-egyatam, olay din panan di kalaban sin kaagawan.
6Sin labi ya kaagawan, magay pan-egyatam, olay dimonyo ono bigla ay sakit ay kateyan.
7Olay ad-ado di matey sin asag-en mo, ngem adi ka pay maan-ano.
8Mailam to ay mismo di kadosaan da din lawlawa di ogali na.
9Gapo ta si Yahweh ay Kangatoan di kinamang mo ay pansalinan,
10magay lawa ay mapasamak en sik-a ono somag-en sin beey mo ay mamaligat en sik-a.
11Bilinen Diyos din aanghel na ta en daka ayowanan, olay intoy em-emeyam.
12Aklopen das sik-a ta adi maidosnog sikim sin bato.
13Din maangat ay layon ya eweg ay nagitaan et abakem ya igatin mo.

Read Salmo 91Salmo 91
Compare Salmo 91:4-13Salmo 91:4-13