Salmo 84:3-11

³Olay din titit et nan-amag da isdis obong da, din pipingew et waday dinteng das panbeeyan da, et man-itlog da pay sin sag-en di altar mo, sik-a ay arik ya Diyos ko.

⁴Nagasat iman di ipogaw ay manbebeey sin Timplom tan mankankanta da ay manaydayaw en sik-as kankanayon.

⁵Nagasat di ipogaw ay mantalek en sik-a ay sik-ay kapoan di am-in ay bikas da ya din emeyan da ed Zion et say laylayden da.

⁶Mo manmandan da sin nanamgaan ay tanap ed Baca, dagos ay mawaday obbog et masibogan san lota. Mapno abey posong sin odan ay masapa.

⁷Pomigsa da ay pomigsa sin pandad-anan da. Mo domateng da ed Zion, awni et manpaila da sin sangoanan Diyos ay kangatoan ed daya ya isnan daga.

⁸Dengngem koma san adawag ko, Yahweh, Kangatoan ay Apo, sik-a ay dinaydayaw Jacob, itnengam nan karkararag ko.

⁹Ay Diyos, bindisyonam koma san ari mi tan pinilim sisya ay mangituray en dakami.

¹⁰Di esa ay agew ay kawadak isnan Timplo et sigsiged mo sinlibo ay agew sin odom ay disso. Olay mo owatak pomipika sin pantew di beey di Apo, maymayat na mo din makibeey sin ipogaw ay nakillo.

¹¹Si Diyos et maiarig sin agew ay maneysey-ang en datako. Maiarig abes kasay ay salaknib tako. Sisya din madaydayaw ya nangato ay ari tako. Segseg-angana ya ipangpangato nas datako. Adi nan kayyawan din siged ay wadan sisya sin ipogaw ay nalinteg di kabibiyag da.