Salamo 84:3-11

³Manu gagiridi edi abamia se lobaidi, manu hinage se abinoi, bena nanatudiyao edi abaota, oa em aitalasam hatahatana, tauiala moutuana GUIAUNA e, egu Wasawasa eo egu Eaubada.

⁴Aidimo em numa eai se mia wa nuadi se kode, huia gamagari em aihelahui se wanaidi!

⁵Tatao wa edi adidiri se abi oa arim eai abo se kode ariri, isi nuadi eai Siona ena dobila saesaedi!

⁶Baka gonuna se luhudadai bena abo bunubunuasi dimona se saradi; nabu ena huia sora, na ie taru abo ipu i hemonaudi.

⁷Se adidiri, i lau e se adidiri ariri; hari eaubada edi Eaubada abo i taumasaraha Siona eai.

⁸Tauiala moutuana edi GUIAU Eaubadana e, egu uura u ataiei, beam bena i tasoe, Iakobo ena Eaubada e!

⁹Eaubada e, ema guiau wasawasa bena u italau arinai; bena u italau em heyausi tauna ana ao arinai!

¹⁰Taba asubena esega mo em dubu eai ea mia, meta i loro ariri, abotai asubena tausani hari tupo eai. Ea henua ariri bena eau dobila tauitawataina mo egu Eaubada ena numa eai, abotai tau laulau gewagewa ena numalulu eai ea miamia.

¹¹Paana GUIAU Eaubada ia mahana eo opea ede, nualolo eo heasisi i mosei. Nige ginauri lolona esau GUIAU abo i nuahi, isi se mia dudurai aridi eai.