A Umana Kakailai 84:3-11

³Maia pa, a levon i tikan pa ra kubana, Ma ra tamatamele i na tadav kana po ba ra umana natnatina dia va tana, Gi pa, kaum lavur uguugu, Luluai kai ra lavur kor, Kaugu King, ma kaugu God.

⁴Diat dia ki ra kubam dia ti doan; Diat a pite vatikene pa u. Sela.

⁵Diat ba u ra dekdek i diat dia ti doan; Diat ba dia nuknuk pa ra vinavana uro Sion.

⁶Ba dia alalu ta ra male Baka, dia pukue upi ra pia na mata na tava, Maia, ra bata i bura tavuna i manga vadoane.

⁷Dia ongor vanavana, Diat par dia tur rikai ta ra luaina mata i God ta ra gunan Sion.

⁸Luluai, God kai ra lavur kor, una valongore kaugu niaring; Una nuk pa ia, God kai Iakob. Sela.

⁹Ea, God, una gire kaveve ramravit, Ma una gire ung ra mata i nina u ga ku ia.

¹⁰A dovot ta kopono bung ta kaum gunan i boina ta ra arip na marmar na bung vakuku. Iau mainge ba ina tur ta ra matakilalat i ra kuba i kaugu God, Ma pa iau mainge ba ina ki ta ra kubakuba i ra varpiam.

¹¹Tago ra Luluai God i da ra matana keake, ma i da ra ramravit; Ra Luluai na vartabar ma ra varmari ma ra minamar. Pa na muie ta bo na magit ta diat i takodo kadia mangamangana.