Yaburina 84:3-11

³Alatalaa banxin xɔnla n na han! N bɔɲɛn nun n fati bɛndɛn sɛwa bɛtin bama Habadan Ala xinla nan ma fe ra.

⁴Hali tuntunne bata e tɛɛne sa i ya banxini, debelenne fan bata na findi e konna ra, alogo e diine xa maso i ya saraxa ganden na Alatala Sɛnbɛn Birin Kanna, n ma mangan nun n ma Ala.

⁵Sɛwan na kanne xa naxanye luma i ya banxini! E i matɔxɔma nɛn waxatin birin!

⁶Sɛwan na kanne xa naxanye sɛnbɛn kelima i tan yi, naxanye xun tixi Ala Batu Banxin na.

⁷E nɛma danguma Baka lanbanni, mɛnna yi lu e xa alo tigi yirene. Tule singen na fa, darane yi fe.

⁸E sɛnbɛn yi siga fari sɛ, han e yi ti Ala yɛtagi Siyon yi.

⁹Alatala, Ala Sɛnbɛn Birin Kanna, n ma maxandi xuiin namɛ. Yaxubaa Ala, i tuli mati n na.

¹⁰Ala, nxɔ mangan mato, nxu yɛ masansan wure lefana. I ya muxu sugandixin nasuxu!

¹¹Soge kedenna i Batu Banxini, na dangu xii wuli keden na yire gbɛtɛ yi. A fisa n xa lu tixi i ya banxin so dɛɛn na gbansan benun n xa sabati muxu ɲaxine konne yi.