Salmo 140:1-11

¹Apo, omisalakan ka kod sin mangam-amag si lawa, sin nay da ipogaw ay palaloy kedse da.

²Kanayon ay lawa di panggep da ya ibaw di ilogi da.

³Kaeegyat ay kaman eweg din tepek da, kaman gitan di kobra din kali da.

⁴Apo, somalaknib ka sin panakabalin di mangam-amag si lawa, mankakekedse ay din kadadaelak di panggep da.

⁵Nan-amag da sin danan si tagdey ay kaknaak koma din mangipapangatos nemnem da.

⁶Kanak en Apo: Sik-a din Diyos ko, dengngem koma nan kararag ko ay mankedaw si badang mo.

⁷Yahweh ay Apok ya manakabalin ay omisalakan, kaman kan salida ay somalaknib sin gobatan.

⁸Apo, adim koman ipalobos din panggep di mangam-amag si lawa, adim ipalobos ay matongpal din lawa ay plano da.

⁹Din kalaban ko yan ipapangato da din awak da, ipataolim koman daida din lawa ay kalkalien da.

¹⁰Matekdag koma di man-gangab ay oling en daida, maitep-a da komas abot yan adi da makabala.

¹¹Adim koman ipalobos ay mayat di pantongpalan da din mangipalawlawa si gait da. Sapay koma ta din makedse ay manglokloko si iib-a da et kanayon ay mapasamak di lawa en daida enggana ay dadlon madadael di biyag da.