يَبُرَ 140:1-11

¹دَوُدَ شَ بّيتِ بّيتِبَيٍ شَ مَنفّ بّ

²عَلَتَلَ، ﭑ نَتَنفَ مِشِ حَاشِيٍ يِ رَ، نَشٍيٍ وَ مَ ﭑ تْورْقٍ،

³نَشٍيٍ نَتّ تٌنفٌمَ عٍ بْحّ مَ فٍرٍ مَسٌقٍ رَ لْشْ يٌ لْشْ.

⁴عٍ شَ وْيّنيِ شْنْ عَلْ بْشِمَسٍ شَ شْنّ. حّنفِ رَتٍ.

⁵عَلَتَلَ، عِ شَ ﭑ نَتَنفَ مِشِ حَاشِيٍ بّلّشّ عِ. عِ شَ ﭑ نَتَنفَ مِشِ كٌبِيٍ مَ نَشٍيٍ وَ مَ ﭑ نَبِرَقٍ.

⁶عِ شَ ﭑ نَتَنفَ يّتّ عِفبٌي شَ فَنتَنيِ نُن لُوتِيٍ مَ، نَشٍيٍ يّلّيٍ عِتَلَمَ ﭑ مَ كِرَيٍ رَ ﭑ سُشُقٍ رَ.

⁷عَلَتَلَ، ﭑ مَرِفِ عَلَ نَن عِ رَ. عِ شَ عِ تُلِ مَتِ ﭑ وَ شُي رَ.

⁸عَلَتَلَ، ﭑ نَكِسِمَ سّنبّمَ، نَشَن ﭑ نَتَنفَمَ ﭑ فٍرٍ لْشْي،

⁹عِ نَشَ تِن مِشِ كٌبِيٍ وَشْنقٍ رَ، عِ نَشَ نَ سْونّيَ عٍ بّ عَلَكٌ عٍ شُن نَشَ قَ رَكٍلِ. حّنفِ رَتٍ.

¹⁰ﭑ فٍرٍقَيٍ شَ قٍ حَاشِ مَشِرِشِيٍ شَ فبِلٍن عٍ مَ.

¹¹تّ وٌلٍ شَ دْشْ عٍ شُن نَ، عٍ شَ رَدِن تّ شْورَ، عٍ نَشَ قَ مِنِ نَ كُي سْنْن.