Salmo 139:2-10

²Ammom mo pomikaak ya siya abe mo enak tomokdo, olay mo addawi ka, ammom di nemnem ya panggep ko.

³Ammom mo way emeyak ya mo ibaktad ko ay man-ibbay, tan omos-osdong ka si owaoway, isonga amin di ogalik ya kabibiyag ko, iwed polos di adi kan ammo,

⁴olay din nemnemnemek ay ibagak to.

⁵Bomanbantay ka sin sangok ya sin edegak, babaen sin panakabalin mo, masalaknibanak.

⁶Kaeetnga ya naoneg di panakaammom sin kaipogaw ko, adi polos mad-asan di nemnem ko.

⁷Magay mabalin si emeyak ta lomisiak en sik-a, maga polos di enak pantabonan ta adi kan omil-ila.

⁸Mo emeyak ed langit, wada ka, mo bomabaak sin kad-an di natey, iso na ay wada ka.

⁹Olay mo tomayawak ta sin belaan ono diposan di agew di enak pantean,

¹⁰wada ka pay dedan isdi ay omipango sin danan, wada ka ay omitakkay ya bomadang.