Sam 139:2-10

²Gilanau Goi totoso habotu, meke totoso turu si rau; pa seu tu koa Goi ba gilani Goi sari na qua binalabala.

³Be tavetavete, ba be zokoro si rau, ba dogoro au Goi, meke gilana betoi Goi sari doduru qua rinizu.

⁴Sipu lopu ele zama rau, ba ele gilania tu Goi gua sapu kote zama nia rau.

⁵Koa pa vari likohaequ rau si Goi, meke lavelave hukata nau Goi pa Mua ṉiniraṉira.

⁶Sa Mua ginilanaqu rau, si lohi sisigiti, lopu boka tumae nia rau si asa.

⁷Pavei si kaqu la rau pude govete Nigo si Goi? Pavei si kaqu va ilolo la si rau pude paere koa Goi?

⁸Be sage la si rau pa maṉauru, ba koa Mua vasina si Goi! Be eko puta si rau pa popoa tadi na tie matedi koa Mua tugo vasina si Goi.

⁹Be tapuru la si rau pa kalina la sa gasa rimata, babe koa si rau pa kalina la sa lodu rimata,

¹⁰ba koa Mua vasina si Goi pude turaṉau, meke koa Mua vasina si Goi pude toka nau.