Salmo 139:2-10

²Netuenan nu ke keenu a ebpinuu wey edhitindeg. Minsan diyè ka te meziyù netuenan nu is nengetaǥù te isip ku.

³Egkaahà a kenikew ke edterebahu a wey ke edhimeley a. Netuenan nu is langun he ebeelan ku.

⁴Nengazen, minsan kenè e pa ebpekekaǥi, ne netuenan nu en he zaan ke hengkey is egkeǥiyen ku.

⁵Diyè ka te peliǥuy ku, ne egkelesaǥan a kenikew pinaaǥi te ǥehem nu.

⁶Is kegketueni nu mehitenged kediey ne utew egkein-inuwi; kenè ku heini egkesavut.

⁷Hendei e man ebayà para melikayi ku is Mulin-ulin nu? Egkehimu ve he ed-elesan ku sikew?

⁸Emun edhendiyà a te langit, ne ziyè ka; emun edhendiyà a te iveyaan, ne ziyè ka zaan.

⁹Emun be e zà ebpekelayang ne edlayang a pehendiyà te edsilaan etawa ziyà a ed-ubpà te utew meziyù he ziyà te edsenlepan,

¹⁰ne zutun ka is ed-aǥak wey edtavang kedì.