SAAMUNƆ 45:2-16

²N maakɛɛ dɛ gbɛ̃ píngila, n lɛ́gbɛ ègↄ̃ nna, aubarika kɛ̀ Ludaa dànguu yãana vĩro.

³N zĩ̀kari pãsĩ, ǹ n fɛ̃ɛdaa sɛ́ ǹ logo n kíkɛgakui sèeda ũ.

⁴Ǹ di sↄ̃a ǹ gá zĩ̀ ble n gakuikɛɛ guu yãpura kↄ̃n nↄ̀sɛdooo kↄ̃n yãzɛdeeo yãnzi, ǹ yã naasideenↄ kɛ kↄ̃n n ↄplaa gbãaao.

⁵Kí, n kànↄ lɛ́ sↄ̃ntɛ, è gɛ̃ à n ibɛɛnↄ swɛ̃̀ zↄ̃, boriinↄ è lɛ́ɛ n gbá saɛ.

⁶Luda, nɛ́gↄ̃ vɛ̃ɛna kpatan gurↄ píngi, nɛ́gↄ̃ n kíkɛgo kũna yãzɛdee ũ.

⁷Ń ye yãmaakɛnazi, n za yãzaakɛnan. Beee yãnzi Luda, n Luda, n ka kpatan, à pↄnnaa pìsimma dɛ n gbɛ̃nↄla.

⁸Lí'ↄ gũ nnannaa pìsi n pↄ́kãsãanↄa, mↄrↄ'ↄ è n pↄↄ kɛ nna n kpɛ́ kɛ̀ wà kɛ̀kɛ kↄ̃n wesaswaao guu.

⁹Kí nɛ́nↄgbɛ̃nↄↄ kú n nↄ yenzideenↄ tɛ́, n nↄ dufu kú n ↄplaazi, à Ofi bùsu vura zãblebↄnↄ dana.

¹⁰Nɛ́nↄkparɛ, ǹ swã kpá ǹ ma! N de bɛ kↄ̃n n gbɛ̃nↄ yã tón dↄnnɛ aɛro.

¹¹N nↄmaakɛɛ e kí mɛ̀ lugaa, ǹ mì siɛnɛ, zaakɛ n diin à ũ.

¹²Tayadeenↄ é mↄ́ wà gba dannɛ, auzikideenↄ é n wɛ́ɛ wɛtɛ.

¹³Kí nɛ́nↄkparɛ vɛ̃ɛna kpɛ́nɛ guu kↄ̃n gakuio, wà ↄzĩi kɛ̀ à pↄ́kãsãanↄa kↄ̃n vura bào.

¹⁴Wèe suuo kínɛ kↄ̃n à pↄ́kãsã wɛ̃zãdeenↄo dana. Nɛ́nↄkparɛ zɛnnɛrinↄↄ tɛ́zi, aↄ̃ↄe suuo à kiia.

¹⁵Wèe gɛ̃ɛńyo kíbɛ, wèe pↄnnaa kɛɛ kↄ̃n gudakɛnao.

¹⁶N nɛ́gↄ̃gbɛ̃nↄ é gↄ̃ n denↄ gɛ̃ɛ ũ, nɛ́ ń diɛdiɛ kínanↄ ũ anduna guu píngi.