1Dauda lɛ̀. Dii, ǹton ma toto kↄ̃n pↄfɛ̃oro, ǹton ma swã sↄ̃kãmɛ kↄ̃n pɛ̃tɛ̃oro.
2N kànↄ ma papa n ↄ tↄ̃̀ma.
3Ma mɛ̀ gbãaa yã̀a n pɛ̃tɛ̃ yãnzi, ma wá aafiaro ma durun yãnzi.
4Ma taarinↄ dàmala, aↄ̃ tↄ̃̀ma lán aso tìisi bà.
5Ma bↄ̀nↄ fↄ̀, aↄ̃ yai kũ̀ ma yↄ̃nkↄkɛɛ yãnzi.
6Má kuna, ma gↄ̃ zↄ̀lↄlↄ, mɛɛ̀gↄ̃ tɛ́ uuo sisina gurↄ píngi.
7Ma kpɛɛwa e wii maamaa, ma mɛ̀ gbãaa vĩro.
8Má gbãaa vĩro, ma mɛ̀ kɛ̀ búgubugu, mɛ́ɛ wii lɛɛ ma pↄyakana yãnzi.
9Dii, ń pↄ́ kɛ̀ má yezi dↄ̃ píngi, nɛɛ̀ ma m̀bna ma sãnsãn.
10Ma kù e vĩi gbì gbì, ma gbãaa yã̀a, ma uu e tɛ́ kɛɛ dↄro.
11Ma gbɛ̃nnanↄ kↄ̃n ma gbɛ̃nↄ è gbɛ̃ɛmɛ, ma danɛnↄ è bàa lɛ́mɛ ma bↄ̀nↄ yãnzi.
SAAMUNƆ 38
SAAMUNƆ 38:1-11