Psalms 38:1-11

¹A SOMOL, dab mu gechig nigeg u fithik’ e damumuw rom!

²Kam maad’ad ngog ko gan e gat’ing rom; ma ka mu gad pa’am ngog.

³Bochane e damumuw rom ma kug par nga fithik’ e amith nib gel; downgig e ke polo’ i m’ar ni bochan e pi denen rog.

⁴Gu be lumach u fithik’ pi denen rog nike sugbur; nib gilab ni kay gi tomal ni nggu chibiy.

⁵Bochane e balyang rog, ma ke ubchiya’ e pi malad rog ma ke yan gal’ochngin.

⁶Ku gu bugbug nga but’, ni ku gu masengseng; ni polo’ e rran ni gu be gel’gel’.

⁷Gu be yik’ ko gawel nike yib nga dakenag ma ke chugur ni nggum’.

⁸Ke aw parwog ku gu masengseng; ke kireb lanin’ug, ma gu be gel’gel’ ko amith.

⁹A Somol, ga manang e n’en ni kugum’ ni bochan; ga be rung’ag gubin e gel’gel’ rog.

¹⁰Be ob gumircha’eg, ma kem’ay gelngig, ma tamilang u lan owcheg e dakriy.

¹¹Pi fager rog nge pi’in gamad buguliyoror e dakrir chugurgad ngog, ni bochan e malad rog; mus ngak chon e tabnaw rog ni ka ra pired u orel rog.