Ruk 24:27-41

²⁷Meve me namu Mosisi ge propeta gigirumawa undag gumbo amatog, Baiboru danave aninin membo mu teyawa toyau munne.

²⁸Mu gwetoimu me oya amomewa koni uwatan emewa, megara Iesu yauyawa me namuwo aivi.

²⁹Mu me yusipamit wataig waya, “Gunup wakeya. Kuiyawa kum aigivi, aram uwatan aivi.” Meoya Iesu unig aine mu gaibu wakeya.

³⁰Iesu nakwai oya mu gaibu yanwakeya. Me bredi auke, gaun wag warensine mu munne.

³¹Sira mu yangowo watabnewa, mu apan me Iesu yaug anoya. Megara me mu yapowo inanadne.

³²Mu garawa ano aya. “Me epin taibe didnuniviwa, sira me Baiboru didnuniviwa, nonunwa idne. Natawa di.”

³³Tatevit mu wan yoike Jerusarem taig amiya. Me apa apasoro 11 ge iyayapan mu agoniemewa mu yawamiya.

³⁴Sira mu veme, “Keriso sira inaine me natawa di. Me Saimon gumbe uwane.”

³⁵Mu dirumiya aninin epin taibe pawane. Sira me bredi warensinewa, kum me kumiwa mepe Iesu yaug anoya.

³⁶Mu gae mame ande vemewa, Iesu membo mu yapowo yoine. Sira me mu gumbo wane, “Yum ye guniyap.”

³⁷Mu terake a aya, sira mu anoya guwawa yaveme.

³⁸Iesu mu gumbo wane, “Ye divi oya daneyap anoene? Divi oya pimpangitene?

³⁹Naninwa amanwa yauya. Ne meme. Yumneg yauya. Kuiyawa guwawa me mame mina kwapiwa ge marednawa gaibu onan. Ye yavene ne kwapunwa ge marednanwa gau.”

⁴⁰Me gae mame onananewa naniwa ge amawa toyau munne.

⁴¹Mu degadega kokavit ag teraya, meoya mu ande anotumat den aya. Me dirumne, “Gare mapa ye divi da wakene, ne natna?”