Luka 24:27-41

²⁷Na Yesu ngabalandulila angweto Majandiko goa agannenga mwene, kutumbu kitabu cha Musa na majandiko goa ga akalondoli Nnoongo.

²⁸Angweto pabakibandakila kijiji chibikijendelelaga, Yesu ngajiga anda apa kukipeta kujendekea na mwanja,

²⁹Nambu benia ngaba nnyopa kulenga, “Ntame upambano natwenga lichoba litipike na lubakube lubendu.” Yenie ngajenda kupomolela na benia.

³⁰Ngatama pae kulye nabenia, ngatola nkate, ngannumba Nnoongo ngaumetula ngabapeganga.

³¹Kingobu tu mio gabe ngagaotola kummona Yesu, nambu jwombe ngaoba paali penia.

³²Ngabalengelana bene kwa bene, “Bo myojo jito jijakiteje nkati jito kingobu apatulandulila Majandiko kundela kola?”

³³Benia ngabajimukanga kingobucho ngababuja kukilambo cha Kuyelusalemu, kwenio ngabakolela achandundame komi na jumwe bakonganinge pamwe na bange.

³⁴Na ngabalenga, “Angwana bayokite kweli, ampiti Simoni!”

³⁵Bandu benia ngabalandulila agapitile kundela, na apabammanya Nngwana apakiba akametula nkate.

³⁶Kingobu benia akabena pabalandulila genia, Yesu mwene ngajema panakati jabe nu kulenga, “Tengela jibe kwinu.”

³⁷Angweto ngabajituka nu kube na mbwele, bakita bilibweni lihoka.

³⁸Nambu jwombe ngalenga, “Mbone nhwechukanga? Mbone mmi na mbwele mumyojo jinu?

³⁹Nnole maboko gango na makongono gango mammanya kube nga nnenga. Umbapayange mmone, magambu lihoka likwetije mmele na iyupa andi pummonanga.”

⁴⁰Ngalenga genia nakalayanga benia maboko na makongono gakwe.

⁴¹Pabakibanga tango bangaamini magambu ga laa jabe, na kongo bakaomwangwa, jwombe ngabakonya, “Nkweti kilebe chachoa chu kulye?”