Romaq 10:15-21

¹⁵Nhang kat é a hui le gi, yhangmoq hkâsu kut wó hko kyo kó râ lhú? Haû eq rajung za, "Gabú danglù pé hko kyo bâng é hkyî-kám pé gi, hkâ-í yhang yúng ri myhi-nhung!" ga kâ tô ri.

¹⁶Nghut kôlhang, Israelaq byu pé banshoq bang gi, gabú danglù lé hap yù kô é a nghut. Hkâsu mù gâ le, Esai-aq gi, "Yhumsîng ê, ngamoq é danglù lé ó yuq wá lumjíng é lhú?" ga taî ri.

¹⁷Haû nghut mù luî, lumjíng myit gi, danglù lé wó gyô é mai lò mù, danglù gyô yu é gi, Hkrisduq é mungdang mai lo é nghut lhê.

¹⁸Nghut kôlhang, ngò myi kó lé: yhangmoq gi, a wó gyô wú kô é nghut lhê lhú? Yhangmoq gi, wó gyo gù za nghut lhê, haû eq rajung za, "Yhangmoq é htê gi, myidàm htoq banshoq má jàm bê nghut ri; yhangmoq é mungdang pé gi, mingkan htungchyûn hkangmó má jé bê nghut ri." gâ tô ri.

¹⁹Ngò dum myi kó lé: Israelaq byu pé gi, a sê gyo kô é nghut lhê lhú? Mosheq sâng-hi má taî é gi, "Byù rahú lháng a nghut bang èq, Ngò, nungmoq lé manôn nhâng râ; sê gyo nyan a bo é amyu èq, Ngò, nungmoq lé wú nhik-yo nhâng râ nghut lhê." gâ ri.

²⁰Hau htoq agó, Esai-aq a gyuq a wàm taî é gi, "Ngo lé a ho é bang gi, Ngo lé myang hô bekô nghut ri; Ngá hkyô lé a myî é bang lé, Ngò htoq shit bê nghut lhê." gâ ri.

²¹Nghut kôlhang, Israelaq byu pé eq séng luî, Yhang taî é gi, "Ngò gi, jìno a gyô é eq ngegáng-htu é byù myû lé, nyí wuî Ngá loq lham mù ji nyi lhê." gâ ri.