ROMANOS 10:15-21

¹⁵Joon, ¿xiiala lí² jmaa'¹³a tsá² júu³ wa'a jo¹ mo sii¹in tsá² 'ii? Jiin'¹³ la nigajin'² ni jí² tya' Dios: “¡'Áa¹mo 'ya'²gɨ 'e tɨɨ²ɨ tya' 'in tsá² 'in tsacwó² júu³ tya' xiiala seein²¹ tsá² tyʉ́² coon'¹³ Dios joon 'in cwó² 'e júu³ tyʉ́² tya' 'e tiin'¹³ tsá²!”

¹⁶Pe jon' jileei'²¹ jmaa¹ nʉʉ'¹³ʉn 'e júu³ tyʉ́² do tya' 'e tiin'¹³ tsá². La gajin'² Isaías ni jí² tya' Dios: “Ña'ñʉ'¹ʉ', ¿'iin galijai'² galɨ́ɨ²i júu³ tyii'i?”

¹⁷Tsʉ 'e jai'² 'e nigalɨ́ɨ²i tsá² galɨ́¹ tsʉ 'wii'¹³i niganúu²un 'e júu³ do. Joon 'e júu³ nuu¹u do 'e júu³ cwáain¹ tya' Cristo.

¹⁸Pe unngɨɨ²ɨɨ 'nʉ: ¿Tɨ jo mo nuu¹u tsá² Israel 'e júu³ do? ¡Niganuu¹o! Tsʉ ni jí² tya' Dios jin'²in: Niganúu²un tsá² júu³ tya'a la caain²¹ ni cwoo'¹³ juncwii²¹. Joon 'e júu³ sɨ́ɨ¹i nigatyía¹ ca tɨ'³ ni 'wó².

¹⁹Pe unngɨɨ²gɨɨ 'nʉ: ¿Tɨ jo mo ga'øøi'²¹‑tsi tsá² Israel 'e júu³ ninúu²un do? Tsʉ gajin'² Moisés: Ijmée¹na 'naa' 'e tyíin²‑'oo' tya' tsá² coon²¹ fuu²¹ 'in lɨ́ɨ²naa' 'e jo líin² 'ido tsá² tyiia; joon ijmée¹na 'naa' 'nii'²¹‑'oo' coon'¹³ coon fuu²¹ 'in lɨ́ɨ²naa' 'e jo 'øøi'²¹‑tsi 'ido.

²⁰Joon Isaías do coon²¹ tsáa¹gɨ gajin'²in: Nigatsee'²¹i jna 'in tsá² 'in jo mo ga'naai'¹³ jna; joon gajné¹na tyani 'in tsá² do 'in jo mo gamúi¹ jna.

²¹Joon mo gafaa'²¹ Isaías do cwáain¹ tya' tsá² Israel, gajin'²in: “La coon²¹ jmɨɨ²¹² 'ɨ́³ɨɨ cwóo³oo 'e tø'²øø tsá² 'in jo jmoo¹o nʉʉ'¹³, 'in tsá² 'in jo tsi tsa'goo²¹o.”