15?E moletin xil likila lihithiten sepinien ak itep xosxa moletin ti nasil xil tengan lava? Ngan ak nggoni ngan xa Vanuvei Eo biteni bit, “Melele xa moletin xil langgur longeongen hos bemei, meien nae bos xa bos.”
16E tave moletin xil vus ti iaxa lalong xat sepinien xil te longeongen hos ak. Vengan xa provet Aesea tehiteni mun tehit, “?Iahova, visi mike reitin e sepinien namem? Moletin tovuol.”
17Mak, ma itiamu, moletin tei iha ihithiten longeongen hos usil Iesu Kristo mi moletin xil. Ti, moletin xil likila lilonge. E melele xa lilonge, likila liling neketen nae en.
18E nasis xamim, “?Midep, be reitin xa mol‑Isrel xil latalong ti mu longeongen hos usil Kristo?” Io, lalonge ngamu. Vengan xa ngan ak nggoni ngan xa Vanuvei Eo biteni bit, “Nggo rae xil, di labithiten longeongen usili mikapis e rute xil vus, e sepinien nae usili ba duxoh moletin xil ngasen te ut etan.”
19Nasis xamim vatei mun nabit, “?Midep, be reitin xa mol‑Isrel xil latalong ti mu naha xa Hi tehit lelen ni xa ipol ni?” E‑e, lalonge tuei. Vengan xa Mosis tetisi xa Iahova vari tesep usili tehit, “Inou nipol ihos mi tatit moletin sav xil tengan nisak ni xamim, mol‑Isrel xil, iemim ihei naha xa di napol ni e meulien nae. Reitin, iemim ikat xa nipisen inou mi ngan xil xa xamim di mukes xil ni unu xil.”
20E Hi tehit kila mak mu melele xa tesepin texo provet Aesea tehit, “Ngan xil xa latalang ves nou ti, xil iaxa latekamet nou. Reitin, natepisen nou mi ngan xil xa latnakes nou ti.”
21E Hi tehit usil mol‑Isrel xil tehit, “E melengien xil vus, di nate momal ni heok tengan namur pilei moletin navan xil, e xil latalong xat nou ti, e vatixil nggeih pupu.”
Rom 10
Rom 10:15-21