Text copied!
CopyCompare
God Ile Riong Kinnga Ponganga nge Mangsengre Okei - Rom - Rom 10

Rom 10:15-21

Help us?
Click on verse(s) to share them!
15Na aro ve o pake panongpolonga e a or nge avele, aro i panongpol or nge i vava, e? Na i ranga ve ako God ile erere i ri nge ako i ri vene: “Panongpolong Sivenga panongpolngare ole velpoling a tokokoere nge kene i sivenga rintet.”
16Na Panongpolong Sivenga nge a Jisas i velpol a Israelre nge, aveto pelie a or nge kene o nongal nge avele. Na i ranga ve ako God ile riong elnga a Aisaia i ri nge ako i ri vene: “Toko Pomnga, them panongpol nge lom riong, aveto anga e i nongal nge?”
17Na i venen aken, make lemir mire ako ve, tokokoere aro o nongpol tel panongpolong nge a Krais, lamo o pavurvur ako aro olemio nge i, na o nongpol panongpolong aken, tova toko e i panongpol or nge.
18Na toko Israel alavusnga o nongal nge panongpolong aken avele. Na i vava, e? O nongpol i avele, e? Avele, o nongpol i lale, eneke God ile erere i ri vene: “Tokokoere a pen elonga ake ru a ulue o nongpol okei lale. Na ole riongre i velpol a rumrem elonga ake ru a ulue lale.”
19Na i vava mun, e? Ava lomumu ve, Israelre olemi mire senu nge panongpolong aken mirenga avele, e? Avele ako, olemi mire nge, eneke Moses i ritet tel nge a mukaling ako olemi mire nge a God ile riong, na i watu a God ile riong vene: “Aro tho pavurpol lomumu mo i ngo kerere, nge ako tho oma lek omaing sivenga a toko rerelire nge. Aro tho palemi kling thomu, nge ako tho oma lek omaing sivenga a tokokoere nge ako thomu o rivenga olemi mire nge tho avele.”
20Na Aisaia i ri nge toko rerelire, ave i ngeip avele nge ako i watu a God ile riong vene: “Areko olemi mire nge kathngek avele, o sangpolo tho lale. Na tho patheng patpot sivengek nge areko o nintet nge tho avele.”
21Aveto Aisaia i ri nge Israelre na i watu a God ile riong vene: “Nge nang elonga tho theal rangal nge thomu telnga plaongare na riong avsangare mo ako o lo werer a tho nge me, aveto avele.”

Read Rom 10Rom 10
Compare Rom 10:15-21Rom 10:15-21