15Yo tafi yimar Bro Nkifrar kfo tkrur duha, to finji kanjo mrokfot kfo ptha htfasrfor? Bro Nkifrarhu rfa borngtn Aisaiar kfo memor, “Kmi kmim yindhorwom gutniuskfot hanyuk yimaroh htiyakneft!”
16Judam nd gutniuskfot yakmohat dfikenrpam wany yakiomomt. Bro Nkifrarhu rfa borngtn Aisaiar kfo memor, “Broye, nom hany pthayuk mrokfot dfikenrpam wanyhato wufakmomt.”
17Ndt to wawanykomt. Yimam Kraisrhu gutnius mrokfot kfo pthiwatmm womm wanyhato hikwomm.
18Mirahko Judam ka nhai gutnius mrokfot wanyrmom. Nd gutnius mrokfot yimam ptha nuhasmohat rom bi wanymom. “Kmiyakmim bi wany bugamomm rroh tngm. Rom pthayuk mrokfom bi wany bugamomm.”
19Yo mirahko ka tu Isrerm nhai yakrmomt nd mrokfothu yimbu yuhat. Nhai. Rom bi fakmomt. Tfit mdukakkfot Mosesr kfomo mrokfot. Kfo memor, “Yufapa duha yima tangim na Bro Nkifraya yak marnya thombat, niko Isrerko kfo gungmioh-rahkomm. Nd mumet yima tangim hti namburrahkomm.”
20Bro Nkifrar Aisaiar to kfo memorr, “Yima tangim, nanhu yufat nhai wom yiha kfo nakuwon duham, naku kfomotma wanyhato fakiomoyanm. Nanhu yufat yutawon duha kmim htimoma.”
21Yo kfo memor, “Na yonmari yiham Isrerm nakuhaso nakuhaso memoa ka yudbat wany tonirahm. To nhai, rom be wany marffitahato rhumoum.”
Rom 10
Rom 10:15-21