15Ta ꞌabo ꞌInapwana tologuguyao ꞌietunedi, be sitatauya ꞌediya, ꞌiabe Yesu tetelina sinono, be siemise, be ꞌenega ꞌabo ꞌana esanega sisidasida, ꞌida ꞌetoseyedi. Manuna niꞌatu Buki Tabu ꞌena nadigega ꞌisimanaꞌesa, ꞌigwae, “Tologuguya nidi taudi tetela boboꞌana simeꞌena ꞌedaya, manudi tada gwausowala.”
16Ta esi tomota maiboꞌadi nigeya siemiemisedi, manuna niꞌatu Aisea ꞌisimana manudi, ꞌigwae, “ꞌInapwana ye, ꞌimu ona gete manuna nigeya siemiemisegu.”
17Ta ꞌeguma Keliso manuna taloguguya, ꞌiabe tomota ꞌaidi sinono be siemisa.
18Ga mwaꞌadega me Yudia nidi niꞌatu ꞌina ona sinononaya, nai nigeya? Na, niꞌatu sinonona, manuna niꞌatu Buki Tabu ꞌena ꞌisimana, ꞌigwae, “ꞌIdi loguguya niꞌatu sena maiboꞌadi sinonona manuna baleꞌu maiboꞌana ꞌenaya ona nina ꞌiꞌelelewana.”
19Ta mwaꞌadega? Ona gete manuna me Isileli sinuwa sabwalenaya? O, niꞌatu simwalamwalatoni, manuna Yaubada ꞌina ona lowa Mosese ꞌena ꞌisimanena, ꞌigwae, “ꞌOmi me Isileli, ꞌiabe ꞌigu guinuwa ꞌenega mali tomota mwagemwagedi waeꞌipiꞌipiyedi, ta wate ꞌiabe wagamwasowaledi, manuna taudi ꞌaene nigeya ꞌigu boda ꞌaiꞌailao.”
20Ga Aisea nina wate Yaubada ꞌina ona manuna ꞌiona waiwai, ꞌigwae, “Tomotai nidi, taudi nigeya siꞌebeꞌebesegu, nai nigeya sienaenaidegu, niꞌatu ꞌediya yaapwesa.”
21Ta wate ꞌina ona paꞌalina me Isileli manudi ꞌigwae, “Tuta maiboꞌana ꞌediya yabwaubwau be ꞌaene sida mai ꞌeguya, ta esi siguitoyasegu, manuna taudi tuga adelidi tologwautoyasa.”
Loma 10
Loma 10:15-21