waRoma 10:15-21

¹⁵Na wanu wokaja kwereza sawaperekiwe? Kamba vyandikiwe Mandiko Matakatifu: “Namuna vyasitawire maulu a ware wapita wakereza Habari Ngema.”

¹⁶Fala siyo kuwa Mayahudi piya wafulata Habari Ngema. Kamana Izaya kasema javi: “Mola, amíni habari zetu nani?”

¹⁷Basi, kwamini kukuja na kusikira Habari Ngema, na kusikira Habari‑yo ikuja nkati ya kwereza kuhusu Almasihi.

¹⁸Fala nukwamba, Mayahudi piya awasikire? Kusema kweli, wasikira. Mandiko awenye akwamba: “Shauti zawo zenera ardhi piya, usemi wawo ufika mpaka mwinsho wa ulumwengu.”

¹⁹Nukwamba, itakuwa wanu wa Iziraeli awereriwe? Aye, wereriwa. Cakwanza, julu ya Musa, Mwenyezimungu kaamba javi: “Omi nukushongani muwatendere wiyana wanu sawari wa taifa. Julu ya taifa watikinifu, nukukimwisani.”

²⁰Julu ya Izaya, Mwenyezimungu karikomarisa, kaamba javi: “Nisinganiriwa na wanu sawakinisakula, nirolota ka wanu sawakinidairi.”

²¹Fala ka Iziraeli, Mwenyezimungu kaamba javi: “Suku daima‑zi nikolosa makono angu kwawo ewo, fala ewo awanisikiriza, wanikaidi.”