Roma 11:32-36

³²Hatematak ia, Manetualain suli hataholi Yahudi la, na, sama leo hataholi ta Yahudi. Te sila basa sala, ta tao tungga Ndia hihii-nanaun, sama leo sila nana longgak, de ta bubuluk dala kaluan. Ana ela sala leondiak, fo bisa natudu namemeda kasian neu basa hataholi la.

³³Manetualain malelan ana seli! Ma Ndia boe pake Ndia malelan, fo tao dedeꞌa malole. Ta hambu hataholi bisa nalelak tebe-tebe Ndia. Ta hambu hataholi ana bubuluk tebe-tebe Ndia nakeketu dedeꞌan. Ta hambu hataholi esa boe bubuluk, hatina de Ana tao dedeꞌak esa.

³⁴Ta hambu hataholi esa, bubuluk tebe-tebe ita Lamatuan duduꞌan. Ta hambu esa boe, fo bisa nanoli-nafada neu Ndia.

³⁵Ta hambu hataholi, bisa ana fee hiak Manetualain buas esa, Ta hambu hataholi, bisa nakaseti Manetualain, fo bala falik!

³⁶Te basa-basan naoka neme Manetualain mai! Basan dadi, huu Ndia! Basa hata fo ita taon, na ita taon soaneu Ndia. Ita soꞌuk koa-kiok neu Ndia, losa dodoon neu! Tetebes leondiak!