32¿Ibiga weob Israel-tulemalga kus pe ebinzhe? Nabir. Imi Pab Tummad oyononi tulemal-pel-kwapa e-chogzhad-pallí kwen ibzhaszhulmal. Al Pab Tummad akalzhul pel-kwapa wilejakwa tule-taknonimalo.
33Imi Pab-kartagin chogdo: Imi Pab Tummad napírra tulemalga immal-nuegan imanoni. Tegin Pab napírra pinzheed nikabal, tegin Pab pirkin immal wisbal. Tegin tule mag kwen itojulbal Pab ibiga weob immal ima. Tenal tule Pab-pinzheed-kwen-palgaojul-kuo.
34¿Imi toa wisguo-junna, Pab igi pinzhe? Keg kue. ¿Tegin toa Pab-Tummad-uanaibalo? Keg kubal.
35¿Imi toa Pab Tummadga immal ukcha Pab we tulega immal ukegalmo? Chulá. Tenal immalmal pel-kwapa Pabgadbi.
36Tegin immalmal pél Pab-akar tanimal, tegin immalmal pél Pabbal tani, tegin immalmal pél Pab Tummadgadbal. Imi Pab Tummad ilagwen-nadgu nug-otummoledi-kuelen, nabirin. Pitogua.