Rom 11:32-36

³²Ngansa panua toa ngada ne titolatola ngan Deo ele posanga mugaeai. Deo ilongean kadonga toa oa iaud gid, ngansa iuangga ipasolan ele kadonga lolo isat aea pagid toa ngada oa.

³³Panamon! Deo ele oatainga ga gid posanga toa ienono iloleai, eine kemikemi ga kapei tau mambe madaoan sil ga ila gadio tau. Gid posanga toa Deo irau, eaba eta irangrang ngan ilabora ibada mao. Be gid ele edap, irangrang ngan eaba eta imata inasi kemi ipu mao pade.

³⁴“Ngansa sai iuatai ngan Maron ilolo? Be eaba sai ipasolan ei ngan edap isaoa ga inasi?”

³⁵“Be eaba sai ipan Deo ele danga eta ta irangrang ngan Deo ilasu ei ngan? Mao ga mao tau!”

³⁶Ngansa Deo kekelen iman danga toa ngada ne ipu. Danga toa ngada ne iuot ngan ei ibage. Ga danga toa ngada ne ei ton. Tasoa ieda somisomi ga ilalala ga ila! Eine tautaunga.