Romanos 11:32-36

³²Ma ri Dios xukꞌalajisaj conoje ri ticawex junam quiwach e aj palajiy tzij, chaꞌ jelaꞌ cucꞌut ri rutzil ucꞌuꞌx chique conoje.

³³¡Janipa lo umajom rubeyomalil y runaꞌoj ri Dios yey tak ri retaꞌam Rire; ronoje waꞌ lic na jinta utakexic! ¡Na jinta ne cꞌana junok cachꞌijow umajic usucꞌ janipa ri uchꞌobom y ri uꞌanom Rire!

³⁴Ma jewaꞌ cubiꞌij Ruchꞌaꞌtem ri Dios: ¿Cꞌo nawi junok umajom usucꞌ ronoje runaꞌoj ri Dios Kajawxel? ¿Cꞌo nawi junok xyaꞌw unaꞌoj Rire? ¡Na jintaj! cachaꞌ.

³⁵Yey cubiꞌij: We cꞌo junok casipan che ri Dios, ¿chirajawaxic nawi che ri Dios cuya lo ri rajil ucꞌaxel che? ¡Na chirajawaxic ta che!

³⁶Ma janipa tak ri cꞌolic, rucꞌ Rire petinak wi; ma ronoje ꞌanatal ruma Rire y e re yacbal ukꞌij Rire. ¡Lic takal cꞌu riꞌ che cayac ukꞌij na jinta utakexic! ¡Amén!