32Veni Ahi en vati vatie lati keke meatin vasi keil amul en sakat ten longrasien. Veni, hemukonek, kei kilea vatie lat enmahisien onen min keil vasi.
33!Navati lat isen Ahi! Kei vilelau en tahosien, meteisauen, ka ileilien. ?Isei kilea vailea vasin rendemien onen? Tahosien koa rie lati min meatin keil ka sakien keil koa kei mumoni min keil, rosakras rovailea vensa mumoni mukonek.
34Koanek suval koa Tus Votut viteni vit, “?Isei kilea en rendemien onen Iahova? ?Isei kilea vahit luvat sise mini?”
35“?Isei kilea vasan sanien tai mini, koa hesakin Ahi hesa kesi mini?”
36Veni tounah vasi keil koa amul aka ven Ahi, amul en hen, ka amul keke avahati lat isen. Anatin, rehehati lat Ahi koa hetetamenien onen mul lises ka lisenges. Anatin.
Rom 11
Rom 11:32-36