32NeHalang poia hehei pe hana lochloch ngana nga ich ke tepoi manmana poinga poreke ngana iange nga reria longonga ole. Pe poia iri ke pomai iange teke letena ia iri lochloch.
33NeHalang letena tuanin ngana pe letena matana ngana elela toto pe i non urana ngana ia toto! Mele pele nakuna ero toto nge letena matana hote NeHalang letena tuanin hot ngana ia nena ume mur!
34“Itei toto eteia Non Soke letena tuanin ngana mur? Pe itei toto tunge lete matana ngana lange i?”
35“Pe itei toto tunge ute lange NeHalang ke lape NeHalang tuachol mule lange i?”
36Ero toto! Iange NeHalang ala hote ure lochloch pe ala hote ure lochloch ke nena ia, pe ure lochloch temeria i. Ta heto heke NeHalang ene ke koko! Manmanna toto.
Rom 11
Rom 11:32-36