Rom 11:32-36

³²A Vure i rata e huriki lobo a viri ni longotaro a ngavana. I rata mavonga, a vuhuna i ngaru ni vakasiri a nidodo vona ne huriki lobo.

³³I muholi hateka! A naro kamumu na Vure, a niluhoi vona, a lohokanga vona, i uka harena! I uka tara viri ge tuveve polo vona a narona Vure, a hini i pelekado e huriki vona.

³⁴A ta maea, a vuhuna ni here maea, “I uka tara viri ge lohoka vona a niluhoi ne Bakovi Dagi, I uka tara viri ge takia a Vure a ra ge ratea.”

³⁵“I uka tara viri ge habi a maki na Vure, a Vure ge kolia.”

³⁶A Vure kunana a viri i ratarike a maki lobo. Ia kunana i nugu a maki lobo na limana, ri tabuli kamumu. A maki lobo ne vona kunana. Si gi kavurikea a rana na parava vakaroro. I muholi.