Rom 3:4-19

⁴Yigiyandɨ luwa. Nat nɨmba woseka walɨgandi. God wupma kai. Yigiyowun wandeyan yigiyandɨ luwa. Tamba God waa nyaangɨt pɨlɨwutndi. Nat nɨmba God kat wagalagiyandi. God woseka walɨgandɨ? E? Woseka ana walɨgandɨ waa vɨgiyandi, waa pɨlɨwutndi.

⁵Nat nɨmba kavle vak walɨgandi. God waa nyaangɨtmba yetɨlapman yineyan wovuna walɨgandi. Kavle vat yetɨna vak vɨga God wungi kavle vapmba ana yetɨlɨgandɨ waa waigandi. Ndɨ apma nyana waigandi. Nɨnai yetɨga kavle vak kat vɨlaa Godna sɨ kwusogiyandi. Wungi kat tɨga manda kat sɨgiyandɨ nɨna kavle vak kat waa kavle vat walɨgandi.

⁶Wan nyaangɨt kavle nyaangɨtna. God wupma ana lɨgandɨ. God kavle vat yilɨga nɨmb kat sɨndey yat ndɨna maawut ana tɨvɨlzɨgandɨ. Maawut tɨvɨlɨga nyan tɨndeyan ana vapmba yigumba kotgiyandɨ ndinyangu kat. Ana inaka lɨgandɨ.

⁷Nɨna kavle vat ndɨna sɨ kwusondeyan nɨn kat ana sɨgiyandɨ. Wungi kat tɨga ndɨna sɨ kwusovat kavle vat mɨna yetɨgiyanɨn waa kavle vat walɨgandi. Wupma kai.

⁸Godna sɨ kwusovat kavle vapmba yetɨ nɨn kat God walɨgandɨ waa kavle vak walɨgandi. Ana nglaatndɨ. Wan nyaangɨt ngumbulɨga nɨmba kat God ndi kat sɨgiyandɨ. Sɨmblan ana sɨgiyandɨ. Nat nɨmba walɨgandi. Pol wan nyaangɨt mbutɨgandɨ. Woseka walɨgandi. Wan nyaangɨt ana mbutɨgowun.

⁹Nɨn Juda apma vat tɨganɨn. Juda ana ndi nat nɨmba kavle vat tɨgandi waa yelavɨtɨgangwuk? Waa ngwuk kat wagalawun. Kai. Wan apma vat ana ndɨ. Juda Juda ana ndi nat nɨmba kat aywaa wan kavle vat ndi kat vɨga lɨgandɨ.

¹⁰Tamba God waa nyaangɨt pɨlɨwutndi. Apma vat yetɨlɨga nɨmba kai. Kwo lɨgandi.

¹¹God yetɨlɨga vak ana vɨlɨgandi. Vɨvak kat kai walɨgandi.

¹²God kat kwagalalaa aywaa kavle vapmba yetɨlɨgandi. Apma vat yetɨlɨga nɨmba kai.

¹³Ndinai waa nyaangɨt ndinyangu kat vatnyavla lɨgandɨ. Ndina kwundimba woseka walɨgandi. Ndinai waa nyaangɨt mbai vla ndu nyan kat sɨlɨgandɨ.

¹⁴Ndinyangu kat kavle nyaangɨt mɨna ngambulɨndi.

¹⁵Kao nambwiya ndi. Kwiyatapman ndu sɨlɨndi.

¹⁶Kɨta kava yɨnjeyan wan ngepma vat tɨgiyandɨ.

¹⁷Ngwaama nyan tɨvak kat kai walɨndi.

¹⁸God kat ana yelavɨka lɨndi.

¹⁹Wungi kat tɨga God ngepma ngepmamba lɨga nɨmba kat nɨma vat yigiyandɨ. God waa lo wuka lɨga nɨmba vɨlɨgandi. O! Nɨn kavle vat mɨna yetɨlɨganɨn waa vɨlɨgandi aywaa. Wutndi maa God walɨgandɨ. Wunai waa nyaangɨpmba ana yetɨlɨgangwuk. God waa nyaangɨt wuka yetɨlɨnangat God nɨn kat wunai lɨga vla lɨgangwuk ana waigandɨ. Manda kat. Nɨn ndɨnai waa nyaangɨpmba ana inaka yetɨlɨganɨn. Ndɨnai waa nyaangɨt kavle vat yetɨlɨnangat nɨn kat sɨmagalɨgandɨ.