Psalms 98:4-7

⁴Ali lilim ko kariimet suen la, nina Yawe ko amilmilaral ale ko wur iluwalko; wur te se amilmil ko ngata nirung te nup patawuralko.

⁵Bawe moral ale wur iluwalko; gita se yukelele te yagowom ningo nungal ale ko nup patawuralko.

⁶Trumpet se kua sokelel itugumal ale, sail te airal ale Yawe ko amilmilaralko. Nu anananga King.

⁷Buta se gagi, ni nirung bitarko, se nina melmasak suen la ningi mu wur iluwalko; ale ali lilim la se, melmasak suen la awote mu karogo tala ngata beteralko!