Psalms 88:13-18

¹³O Yawe, ani nikate saonga ko niawasam; turomola pempem aninga wosenga nikate betesam.

¹⁴Bare awuk se ni aninga biriruwusam, ale ani ago ko kema motam kaluwusam?

¹⁵Ani aga kulak ko tom te la yaman ikup imi gi lagerem, ale kuerikko tom pingi aram; ani nika gemang memek ko yaman gi lagerem ale angimik sail menaram.

¹⁶Nika gemang memek ninguru aga iramuram; se nguangara ninguru aga maguwuram.

¹⁷Se kiwem imi kowarkalal maiya mu lom iwita aga lautam ale ninguru aga ira baguram.

¹⁸Ni aninga tiran gar ningo se aga gue suan nunga tagi batagem se aninga bita sapaman; ani tiromorom aga iramuram se agata ningi baga maguwu lagasam.