Mitiyegec 88:13-18

¹³O KEBU, ni sifu asoac anu memeficac kiacgemma arohoma gearu nunumuna faiba haude.

¹⁴O KEBU, ge ni wanuma kicmesuga nearu mesufunec, imocac hania mi negentegecduae.

¹⁵Ni sebigborinaungoc kpendzenggoc kecma homecfu heima kefai. Ge kengec efea kpac meficgenenna kpidohoma ubaebicgoc amma memeficna kpac kecduae.

¹⁶Geac herebungo semenuu kengec efea kpac gearunac meficgema kengecnuu manganema kpac anai.

¹⁷Geac kengectoa imoc asoacnac kemma marai doku tunggbaung isoc yadima oronnuma noboc nobocnac hama semenukefu

¹⁸geng negemmana songo ogona nga arengfocna yeni sasawango wanuma ngadenugec kundungngo tosoyombonna ande.