Psalms 84:10-12

¹⁰Ani nika temple ningi bagarikko ninguru ko kua lagasam; ani sor bo te, day tom 1000 baga se am amilmilarikko; bare aking day tom suanta nika temple ningi baga se ko amilmil mu, day tom 1000 mu am kia saparam. Ani nika temple ningi kasu nagu aratu se lagarikko ninguru ko kuesam; bare ani kariimet memek mu nunga kawam ningi dagi bagarikko me ta ko kuesam.

¹¹Mu awuk, Yawe mu anananga King se nanga karem; nu ana nanga Kaem. Nu gomang nangarso, ale nup biya nangarso; ale nu kariimet munan diram la betesan mu anapeya mel te me nogore iluso, mel ningo ningo nungarso.

¹²O Yawe Sokel Garagar, awiriya nikate ira sanami lagoso mu amilmilarukko.