Psalms 83:12-18

¹²Mu awuk, nuna balman, “Ana Kaem ko ali welang mu ana tanak se anananga arukko,” ma balsan.

¹³O aga Kaem, kupkup iwita nunga parusuwurko, se sua ko wakala marir karogo namoso iwita namamonko.

¹⁴Ale tama giarum kaiso se kaniso, ale sua duruk motongar te mu kaniso iwita,

¹⁵yar daula te nunga karo se nagumon, ale ka marir daula samamer biya te nguangara nungaruko!

¹⁶O Yawe, dolara nungaru, nunga maguwur, ale nika sokel aora garagar mu nunga kasuru se arigimonko.

¹⁷Ale nunga maguwur, se eng am butata nguanga dola se lagamonko, nuna nguanga dola laga eng am kua namamonko.

¹⁸Yawe, ni uwuta bitar se nuna ko ikimon, ni keta suanta ni Kaem Kalel Biya, se ali sor lilim la bitarsam.