Psalms 81:1-6

¹(Asaph wur imi batogam) Amilmil te ngata beteralko, Kaem anananga saonga kari; wur te nup patawuralko, nu Jacob ko Kaem!

²Galawalang sokelel te nirung duap beteralko; ninga bawe se gita te yagowom yawara gurugalko.

³Tom sige barare la mu kua sokel itugumalko; ale nama garukaso se amilmil ko tom biya arataso mu te akingtala itugumalko.

⁴Mu awuk, imi mu Israel nunga munan den, se den aora bo Jacob ko Kaem kote tairam.

⁵Mu tom nu Egypt nongorak kager bitawa se, nu Joseph ko kariimet Israel munan den imi nungaram. Tom umu te ani kuring bo iru nuam ikiem, se kuring mu iwita balam,

⁶“Ani ikup nibiwinang te mu kututuwurem, ale tam luan gi lagakasan mu kututuwurem.