Psalmaro 81:1-6

¹Al la ĥorestro. Por la gitito. De Asaf. Laŭte kantu al Dio, nia forto; Ĝoje kriu al la Dio de Jakob.

²Sonigu kanton, donu tamburinon, Ĉarman harpon, kaj psalteron.

³Muziku per korno en novmonato, Je la plenluno, en la tago de nia festo.

⁴Ĉar ĝi estas leĝo por Izrael Kaj ordono de la Dio de Jakob.

⁵Li aranĝis ĝin kiel ateston por Jozef, Kiam Li eliris kontraŭ la landon Egiptan. Lingvon, kiun mi ne konas, mi aŭdis:

⁶Mi liberigis lian dorson de ŝarĝo, Liaj manoj liberiĝis de korboj.