Psalms 44:23-26

²³Kari Biya, baresko! Ni anape ko aniwasam? Ni baresko! Ni biring nangara biya me nangaruko!

²⁴Ana nanga bita maguwuman se ikup tawun biya ningi bagasan, bare ni anape ko ana nago ko kema kaluwusam ale kamili sapakoyam bagasam?

²⁵Ana ali te dagulu parasaman ale kariimet kuera iwita aniwasan.

²⁶Buta se ni bares ale tai nanga sangaruko! Ni ka kua nangara ko munan wore ko kamin ares mauk, se tai nanga sangaru se ana me kua namanakko!