Psalms 28:2-9

²Aninga niara ikiko, gemang aisu ale aga sangaruko! Ani agiting patawurem nika kuwim laili te bagasam mu te garukem ale ka arusam.

³Ani kariimet memek bitawara mu arungak me aga gurasi saparko; nuna kariimet nongorak bagasan mu arungu den welang balsan, bare nongomang motam ningi ikia memek karogo terong mam.

⁴Nononga kiwem memek bita lagaman mu koma nungaruko; nunga memek mu ko koma, te beteman uwutata te iki iki koma nungaruko.

⁵Nuna Yawe ko ura biya se mel bita lagaram mu me ko ikia tasan; buta se nu nunga maguwurok ale nunga menawurokko.

⁶Ani Yawe ko nup patawurikko, mu awuk, nu aninga aira ikiam.

⁷Yawe mu aninga sokel se aninga karem; ani nu te ira sanamasam se nu aninga sangarso; se ani ninguru amilmilasam ale wur te nup patawusam.

⁸Yawe mu ko kariimet nunga sokel bagoso; nu ko king baongam mu bitarso ale sangaru taso.

⁹Se Yawe, nika kariimet nika ma nunga balem mu nunga sangaru ale marak sokel nungaruko; ale nunga bitua kari baga se nunga gi patawu se nunga bitaruko.