Psalms 146:5-9

⁵Bare kariimet Jacob ko Kaem mu nunga saonga bagoso, mu amilmilamonko; nuna Yawe, nononga Kaem, mu kote la loaga lagasan.

⁶Nu taiti se ali, se gagi se mel suen la nunga ningi nungam, ale tom suen biya ko kiwol umu diram la iki karo tui lagoso.

⁷Nu kariimet kituwura guat alo, nunga bita maguwusan, mu nunga sangarso; ale kariimet na inang ko kuawasan mu inang nungarso. Yawe mu kariimet talipara ningi anisan mu nunga sangarso se aratasan;

⁸se kariimet nomotam sisira mu nomotam pagarso se sor arigisan. Nu kariimet nongomang bataga te magi tarawasan mu nunga sangarso, ale kariimet ningo diram mu nunga kueso.

⁹Nu kariimet awar taira ale anananga ningi bagara mu nunga sinar taso, ale imet gerewa se kuriang marmar mu agotala nunga sangarso. Bare nu kariimet memek mu nunga ikia bitawasan mu menawuso.