Kölfel 146:5-9

⁵A feiöch ewe aramas a eäni än Jakop we Kot soualilis, a anomu an apilükülük won ewe Samol mi Lapalap an we Kot,

⁶ewe mi föri läng me fanüfan, pwal ewe matau me meinisin mine a nom lor. Ewe Samol mi Lapalap a allükülük tori feilfeilachök,

⁷a eäni pwüng ngeni ekewe mi riaföü ren aramas o amongöni ekewe mi echik. Ewe Samol mi Lapalap a angasala ekewe chon fötek,

⁸a aneloi mesen ekewe mi chun. Ewe Samol mi Lapalap a awenätä sökürün chokewe mi pworotiu o echeni ekewe chon pwüng.

⁹Ewe Samol mi Lapalap a tümwünü ekewe chon ekis, a alisi ekewe fefin mi mä pwülüer me ekewe mi mäsen, nge a atai mine ekewe aramasangau ra akota.