Psalms 138:1-4

¹(David ko wur) O Yawe, ani angamang motam lilim la te amilmilarik ale nip patawurikko; kaem kawel alo nongoma te ta wore, nika amilmil wur iluwekko.

²Ani angama motam nika temple laili mu tuek ale, nika kua nangara se diram la karo tua ko kiwem mu ko, abugura kulukek ale nip patawurikko. Mu awuk, ni ka nip se ka den mu ko sinar tasam, se mel suen biya nunga kia saparam ale kualala biya bagoso.

³Ani ka aurem se ni agiring iluwem; ni sangam aisem se angamang sokel ago bagasam.

⁴O Yawe, ali imi ko king suen la nika den ikimon ale nip patawumonko.