PSALMORUM 47:3-9

³Fundatur exsultatione universæ terræ mons Sion; latera aquilonis, civitas regis magni.

⁴Deus in domibus ejus cognoscetur cum suscipiet eam.

⁵Quoniam ecce reges terræ congregati sunt; convenerunt in unum.

⁶Ipsi videntes, sic admirati sunt, conturbati sunt, commoti sunt.

⁷Tremor apprehendit eos; ibi dolores ut parturientis:

⁸in spiritu vehementi conteres naves Tharsis.

⁹Sicut audivimus, sic vidimus, in civitate Domini virtutum, in civitate Dei nostri: Deus fundavit eam in æternum.