Psalm 47:3-9

³El ase kutangla nu sesr fin mwet uh; El oru tuh kut in kol mutanfahl uh.

⁴El sulela facl se kut in muta we, ac kut insewowo kac, Kut tulik natul Jacob, su God El lungse.

⁵God El fahsryak nu ke tron lal. Mwet uh wowoyak ke engan, ac yohk pusren mwe ukuk Ke LEUM GOD El utyak.

⁶Yuk on in kaksak nu sin God; On kaksak nu sin tokosra lasr!

⁷God El tokosra fin faclu nufon; Kaksakunul ke on!

⁸God El muta fin tron mutal lal; El leum fin mutunfacl uh.

⁹Mwet kol lun mutunfacl uh elos tukeni Nu yurin mwet lun God lal Abraham. El ku liki un mwet mweun nukewa; El fulat liki leum nukewa.