Ihi 47:3-9

³Viva vo vatanaa vo vatanaaka tinavu kauquqi kaimanta vika tinavu vevaaraini variara.

⁴Viva tinavu kaama tai vatara timimanta tenavu vare viraqaa vaiha quahe vaunara. Mpo, vira muntukavano tinavu Iekopira vaintivarara vaivaro viva mintivo.

⁵Vaiinti nahenti quaheha naveraiti variavaro Noravano Kotiva naaruvaini oru vi vaira. Viva oru vi vaimanta vika naverai tiha aanumaaravata varake vuaqaqi vi variara.

⁶Kaiqenavu Kotira autu tuaheraqi viha ihi tiare. Kaiqenavu tentanavu Avuhainaara Kotira autu tuaheraqi viha ihi tiva amitaare.

⁷Kotiva maa vataraqaa Avuhainaava vairara ti, tenavu vira autu tuaheraqi viha ihi tiare.

⁸Kotiva nai avuhainaa tainta, takuqi vairaqaa, oquvi vaiharo, ekaa naato vatanaakaqaa raqiki vairo.

⁹Maa vataraqaa avuhainaaka variaka, vika Eparahaamira Variqa vira vaiinti nahenti hampata ruvaaqumavi variara. Kotira kempukavano ekaa vataini avuhainaaka kempukavata aatara kairara tiro, viva ekaa naato vataqaa raqiki vaivama vairo.